Xông tơpui a roh hôp, pôa Phạm Minh Chính, Ngế pro xiâm hnê ngăn tơnêi têa tối rơdêi, tơdroăng tơkŭm po mơđah tơbleăng tơdroăng châ tơƀrê cheăng kâ - rêh ối pơlê pơla klăng leh tơbâ 80 hơnăm Hâi mơjiâng tơnêi têa cho tơdroăng kân, pá, mơjiâng tơdroăng ki troh lâp lu tơdroăng châ tơƀrê 80 hơnăm hiăng hlâu dêi tơnêi têa troh pú hmâ lâp plâi tơnêi, kuăn pơlê, mơdêk tơ’nôm hiâm mơno hâk tơngăm hdroâng mơngế mot tung chal nếo - chal mơ-eăm dêi tơná dêi hdroâng mơngế mơnhông rơkê, kro mơdrŏng mơnhông mơdêk, kuăn pơlê châ hơtô, hơniâp lĕm.

Ing tơbleăng, Ngế pro xiâm hnê ngăn tơnêi têa kheăn kơdeăn tơdroăng hbrâ i nhên, laga kal thế mơ-eăm hên tâ mê nếo ƀă hiâm mơno khŏm mơ-eăm hên, mơ-eăm thế kân, thế pêi pro kơtăng. Ngế pro xiâm hnê ngăn tơnêi têa tối thế pêi pro châ tơdroăng pêi pro 2 hnoăng cheăng ton xŏn gâk kring ƀă mơjiâng tơnêi têa; mơjiâng ivá mơnhông, hnê tơdroăng ki vâ pêi pro vâ tơnêi têa mot tung chal nếo; kuăn pơlê châ tơƀrê kố ‘na hiâm mơno pâ nhuô̆m tơnêi têa.