Tiô Tỉnh ŭy Kon Tum, troh nôkố mâu khu râ kăn pơkuâ hnê ngăn cheăng Đảng, kơ koan, tíu pêi cheăng cheăm tung kong pơlê hiăng kêi đeăng mâu tơdroăng xiâm châ tối tung mâu Mơgêi dêi Khu xiâm kal kí, Khu pơkuâ hnê ngăn cheăng Đảng ‘na vêh rah xo bro lế lĕm tro khu pêi cheăng tơnêi têa mâu râ; mơjiâng troăng pêi khu râ kăn pơkuâ 2 râ.

A roh trâm mâ khu râ kăn pơkuâ ki xiâm 40 cheăm, bêng nếo, pôa Dương Văn Trang, Kăn pơkuâ hnê ngăn cheăng Đảng kong pơlê Kon Tum  mơnhên, tơdroăng pơtroh, xing xoăng tíu cheăng kăn ƀô̆ pro kăn pơkuâ xiâm mâu cheăm, bêng nếo châ Khu pơkuâ hnê ngăn cheăng Đảng kong pơlê tơmiât nhên, rah xo inhên tiô mâu pơkâ, troăng pêi ôh tá tơdjâk pa kong, kuăn pơlê pơkuâ dêi hnoăng cheăng. Tơdroăng rah xo kăn ƀô̆ rak tíu pơkuâ ki xiâm xuân cho pơkâ tơdjuôm ăm tơdroăng mơnhông dêi cheăm, bêng.

Pôa Dương Văn Trang pói vâ, mâu khu râ kăn pơkuâ ki xiâm 40 cheăm, bêng drêng pôu râng hnoăng cheăng châ pơcháu pơkuâ, hnê mơhno, pơkuâ vâ cheăm, bêng mơnhông mơdêk.