Tơpui hnê mơhno a rôh po Hôp, pôa Trần Cảm Tú, Kăn pơkuâ ngăn Đảng ủy mâu kơ koan Đảng Tơnêi têa ăm ‘nâi, cheăng hbrâ, tơplâ mơdât kâ kơluâ liăn ngân ƀă pơhlêh luât tung pơla hneăng hdrối nah hiăng hlo rế rơdêi ƀă châ hên mâu tơdroăng pêi tơƀrê ki kal, tung mê ai hnoăng cheăng ƀă ivá veăng gum kân dêi Đảng ƀô̆ kơ koan tung Khu cheăng Tơnêi têa.

Pôa Trần Cảm Tú pơkâ thế tung hneăng ki nếo Đảng ƀô̆ kơ koan Khu cheăng Tơnêi têa kal pơhlêh nếo túa pêi, hbrâ rơnáu rĕng châ hlo, tơdroăng kâ kơluâ, pro mơhrê liăn ngân ƀă pơhlêh luât, pêi châ tơdroăng púi vâ tiô tơdroăng ki ai khât tung mơnhông tơnêi têa. Hneăng hôp hiăng pôk Kăn pơkuâ Đảng ƀô̆ hơnăm 2025 – 2030.