Pôa Tô Lâm Kăn xiâm pơkuâ hnê ngăn Đảng tối, Nam Định – Hà Nam – Ninh Bình cho pái kơpong tơnêi ai pái túa vêa vong krê xêh, la rơtế tơdjuôm mâu tơdroăng ki kơnía túa lĕm tro – roh nah - kuăn mơngế ƀă vâ môi tiah. Kăn xiâm pơkuâ hnê ngăn Đảng hiăng tối nhên 6 tơdroăng ki tiô tơdroăng tơdjuôm  ƀă pêi tiô hiâm mơno tơná vâ tíu xiâm tơnêi têa môi tuăn pơkâ tơdroăng tơdjuôm pái kong pơlê, kô pro ai tơnêi kân rơdâ vâ mơjiâng môi khu kăn kong pơlê rơkê, pơkuâ tiô luât pơkâ tơdjuôm - rơkê ƀeăn - pêi cheăng pơxúa.

Vâ tăng pêi châ tơƀrê mâu tơmeăm khoăng ki ai hlâu ƀă kơjo kum dêi pó pơla pái kơpong dêi kong pơlê Ninh Bình ki nếo, Kăn xiâm pơkuâ hnê ngăn Đảng pơkâ thế, thâ pê klêi tơdroăng xing xoăng pro rế lĕm khu kăn pêi cheăng kong pơlê 2 râ pêi tro tiô tơdroăng Pơkâ 60 ƀă Mơgêi 150 dêi Khu xiâm kal kí. Kal tơbleăng tro tiô khoa hok, nhên, tơniăn đi đo dêi tơdroăng cheăng, ví tơvâ tơvân tung rêh ối kuăn pơlê ƀă tơdroăng pêi cheăng kâ tê mơdró.