Tiô pơkâ, mâu bêng Pleiku, Hội Phú, Diên Hồng, Thống Nhất rơtế ƀă cheăm Đăk Đoa kô pêi mơnúa ngăn túa pơkâ pro mơ-éa chêh ‘na rơpŏng hngêi ƀă pơtó tơnêi tơníu. Tung pơla mê, mâu cheăm Gào, Biển Hồ, Čư̆ Pưh, Čư̆ Pah rơtế ƀă bêng An Phú kô mơnúa pêi ngăn cheăng chêh inâi tơdroăng ki pơhlêh hnoăng rak xúa tơnêi. Tơdroăng ki mơnúa pêi ngăn kố kô châ pêi a hâi lơ 25/6. Tiô hlá mơ-éa pơkâ châ kong pơlê Bình Định chêh pro: kăn ƀô̆ kong pơlê Gia Lai tơdah xo hồ sơ a kong pơlê, kăn ƀô̆ 10 to cheăm dêi kong pơlê Bình Định tơrŭm séa ngăn, kĭ tung troăng kơmăi.

Tung pơla mơnúa pêi ngăn cho pơxiâm ing 14 chôu, mơgêi a 15 chôu rơtế tung hâi. Klêi rôh mơnúa pêi ngăn kong pơlê kô hôp séa ngăn mâu tơdroăng ki hâi pêi pro, ‘mâi pơhlêh, ‘mêng rơnêu túa pơkâ. Pơxiâm ing hâi lơ 1/7, tâi tâng mâu cheăm, bêng a kong pơlê Gia Lai kô păng ‘nâng tơdroăng ki chêh pro pơtroh, mơdrếo hlá mơ-éa tiô tơdroăng ki nếo.