Gia Lai tơbleăng ăm pêi pro tơdroăng tơkêa bro tơdjêp xúa châ tơƀrê tơmeăm khăm pơlât
Thứ tư, 05:00, 25/06/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 24/6, a Roh hôp má 27, Hô̆i đong kong pơlê Gia Lai hiăng tơbleăng Tơdroăng tơkêa bro xúa tơmeăm tơnêi têa a Hngêi pơkeăng kân kong pơlê tung pơkâ tơdjêp mơdró rơtế Kŏng ti pêi cheăng tiô rơnó Hngêi pơkeăng Bình An Gia Lai, ƀă tâi tâng kơlo mơ’no liăn cheăng tiô tối hdrối lối 350 rơtal liăn.
Kŏng ti Hngêi pơkeăng Bình An kô veăng kum dâng 250 rơtal liăn apoăng, xúa tâi tâng hngêi trăng, tơmeăm khăm pơlât ki ai nôkố, rơtế pơkâ pêi po rơdâ mơngế pêi cheăng kum khăm pơlât, mơdêk châ tơƀrê tơdroăng pêi cheăng. Tơdroăng tơkêa bro tiô tối hdrối hâi khế pêi pro 30 hơnăm.
Tiô Vi ƀan kong pơlê Gia Lai, tơdroăng tơdjêp tê mơdró, tơdjêp cho kal khât xua Hngêi pơkeăng kân kong pơlê Gia Lai mơhé châ mơ’no liăn cheăng tŭm ‘na kế tơmeăm khoăng, mơngế pêi cheăng, laga tá hâi tơxâng tơdroăng kal vâ rak ngăn ivá rế hía rế hên dêi kuăn pơlê.
Viết bình luận