Tung pơkâ dêi Kŏng an kong pơlê Dak Lak ‘na mơjiâng pro 4.285 toăng hngêi ăm mâu rơpŏng kơtiê, rơpŏng xơpá, tiô tơdroăng xut tah hngêi pơtân, hngêi xi kơchoh, Troh nôkố, Kŏng an kong pơlê Dak Lak hiăng pơxiâm pro 3.014 toăng hngêi, châ dâng71% tơdroăng cheăng pocháu.

Tung kơxô̆ lối 3.000 toăng hngêi hiăng pro, mâu tíu pêi cheăng Kŏng an hiăng pơcháu 1.517 toăng hngêi vâ ăm mâu rơpŏng kuăn pơlê ối, hlối pê klêi 676 toăng hngêi pơtối kô pơcháu hlối tung măng tĭng kô. Mơhé achê kố tơdroăng ôh tá ai tơmeăm mơjiâng pro hngêi trăng, la ƀă  tơdroăng veăng tơmâng pêi kơtăng ƀă tơdrêng, tơdroăng tah hngêi pơtân tiô hnê mơhno dêi Khu xiâm Kŏng an a Dak Lak xuân tơniăn pro tiô pơkâ, tiô tối hdrối kô pro klêi tơdroăng mê a hâi lơ 31/10/2025.

Riân troh hâi lơ 18/6, hiăng pro dâng 5.150 toăng hngêi tiô tơdroăng tah hngêi pơtân, hngêi xi kơchoh dêi Chin phuh. Tung mê, ai 4.174 toăng hngêi nếo pro ƀă 970 toăng hngêi ‘mâi rơnêu; hiăng pro klêi 3.025 toăng hngêi (mê 2.182 toăng hngêi nếo 843 toăng ‘mâi rơnêu). Vâ pê klêi pơkâ tah tâi tâng hnêi pơtân, hngêi xi kơchoh tung kong pơlê, Dak Lak tối kô mơjiâng pro nếo ƀă ‘mâi rơnêu  tơ’’nôm 2.150 toăng hngêi ton sap nôkố troh tâi khế 10/2025.