Klêi kơ’nâi môi chât hơnăm pêi pro, hiăng ai vâ chê 570.000 roh ngế pêi cheăng hdroâng kuăn ngo cha tŏng gum kơxô̆ liăn lối 1.270 rơtal liăn. Mâu troăng hơlâ kố hiăng kum tăng cheăng pêi tơniăn, mơdêk ki dâi lĕm mơngế pêi cheăng ƀă mơdêk mơnhông cheăng kâ – rêh ối pơlê pơla.

Laga, tơdroăng nôkố pêi pro xuân hlo hên tơdroăng ki tá hâi tro: tơdroăng ki xúa ối iâ; kơlo tŏng gum iâ, hâi khế iâ; pro mơ-éa ối hên pro khu tê mơdró pá vâ châ achê...A hôp tơpui tơno, mâu kăn teăng mâ hiăng tơdrăng veăng tơpui vâ kêi đeăng troăng hơlâ tiô troăng ki păng ‘nâng ƀă chiâng pêi pro tâ. Hôp tơpui tơno cho troăng pêi ki kal kum kêi đeăng mơ-éa chêh hdrối ‘mâi rơnêu mâu Pơkâ vâ tơbleăng Ngế pro xiâm hnê ngăn Chin phuh séa ngăn, mơjiâng troăng hơlâ tơdâng tơ’mô, mơjiâng ivá ton xŏn ăm kơpong krê tung tơdroăng xúa ƀă mơjiâng mơngế pêi cheăng kơpong kuăn pơlê hdroâng kuăn ngo ƀă kong ngo tung rơxông nếo./.