VOV.Xơ Đăng - Tiô pơkâ mơ’no, rêm ngế kô châ gum 23 rơtuh liăn, tơ’mô ƀă 10 khế liăn khế kâ.

VOV.Xơ Đăng - Kong pơlê Gia Lai hiăng pơxiâm pro, ‘mêng rơnêu lối 7.900 toăng hngêi, châ lối 97% túa pơcháu ‘na tơdroăng ki têa tah hngêi ối pơtân, xi kơchoh.

VOV.Xơ Đăng – Pơtối hneăng hôp má 9, măng tĭng hdrối, Kuô̆k hô̆i tơpui ‘na tơdroăng xing xoăng tíu pêi cheăng râ kong pơlê hơnăm 2025. Mâu kăn tối rơdêi, ‘mot tơkŭm kong pơlê cho pơkâ sap nah hâi chói ai, po troăng ăm tơdroăng mơnhông nếo, Laga, vâ mâu kong pơlê mơdêk châ ki ai hlâu, pêi cheăng xêt, tơƀrê klêi kơ’nâi mot tơkŭm, kal ai tơdroăng pơkâ pêi tung la ngiâ, tŭm têk, malối cho hnoăng cheăng kăn ƀô̆ ƀă pơkâ tơleăng mâu tíu pêi cheăng ki rơlối klêi kơ’nâi ‘mot tơkŭm.

VOV.Xơ Đăng - Pêi pro tiô tơdroăng tung Khế xua vâi o  hơnăm 2025, kơxê hâi lơ 10/6, Kŏng an kong pơlê Gia Lai hiăng tơkŭm po trâm mâ 28 ngế muăn cho ‘’ kuăn păn roăng’’, “ kuăn hơđâng râng ko” dêi mâu lêng.

VOV.Xơ Đăng -  A tíu pêi cheăng xiâm, pôa  Phạm Minh Chính Ngế pro xiâm hnê ngăn tơnêi têa nếo kĭ hlá mơ-éa pơtroh ăm mâu khu xiâm kơvâ cheăng ƀă mâu kong pơlê, pơlê kong kơdrâm dêi Tíu xiâm, pơkâ thế tơkŭm  pê klêi mâu tơdroăng pơkâ tah hngêi pơtân hngêi xhi kơchoh tung lâp tơnêi têa hdrối hâi lơ 31/8/2025.

VOV.Xơ Đăng - A kong pơlê Gia Lai, sap apoăng hơnăm kố tơdroăng têa tah hngêi pơtân, hngêi xi kơchoh hiăng rĕng châ pêi pro hên ƀă tơdroăng ki veăng hnê mơhno kơtăng dêi khu râ kăn pơkuâ hnê ngăn cheăng Đảng, khu râ kăn pơkuâ mâu râ. Klêi 6 khế, lâp kong pơlê hiăng pơxiâm mơjiâng pro châ lối 7.630 toăng hngêi, troh nôkố hiăng ai dâng 5.259 toăng hngêi hiăng kêi đeăng. Tơdroăng hnê mơhno dêi mâu râ, khu pơkuâ tơdroăng cheăng Đảng ƀă tơdroăng djâ troăng ahdrối dêi khu kăn ƀô̆, đảng viên hiăng chiâng tơdroăng ki pơkâ ăm ƀlêi trâng dêi tơdroăng.

VOV.Xơ Đăng - Troh nôkố Kon Tum hiăng pơcháu dâng 2.000 toăng hngêi nếo ăm kuăn pơlê, veăng gum rơpâu rơpŏng tah lôi hngêi pơtân, hngêi xi kơchoh.

VOV.Xơ Đăng - Roh hôp má 46 dêi Vi ƀan hnê ngăn Kuô̆k hô̆i po tung pơla 6 hâi, sap ing hâi lơ 3 troh lơ 6 khế 6, klêi mê, po sap ing hâi lơ 9 khế 6 troh a hâi lơ 10 khế 6. Măng tĭng hdrối kố nah, Vi ƀan hnê nguăn Kuô̆k hô̆i hiăng ăm mâu kăn veăng tơpui tối ‘na tơdroăng Luât, tung mê, ai môi tung mâu tơdroăng ki châ kuăn pơlê rơhêng vâ ‘nâi plĕng, mê cho tơdroăng Luât pơkâ ‘na rah xo khu pơkuâ hnê ngăn cheăm, kong pơlê (ki ‘mâi pơhlêh), ing mê, cho vâ xing xoăng hnoăng cheăng ăm rêm râ cheăng ki tơtro păng ‘nâng.

VOV.Xơ Đăng -  Mơhnhôk Khế pêi pro tŏng gum vâi hdrêng hơnăm 2025 ƀă dó inâi ‘’Kơjo kơxô̆ liăn kêi đeăng mâu pơkâ tŏng gum vâi hdrêng’’, mâu kơvâ cheăng tung kong pơlê Gia Lai thăm pêi pro hên tơdroăng ki kal, ƀă khŏm mơ-eăm djâ troh ăm vâi hdrêng, ki rơhêng vâ tối cho vâi hdrêng kơpong hơngế, hơngo, vâi hdrêng kơpong hdroâng kuăn ngo ƀă mâu vâi hdrêng ai tơdroăng rêh ối pá puât, ki rơhêng vâ tối cho tíu rêh ối tơniăn, lĕm tro ƀă tơdâng tơ’mô.

VOV.Xơ Đăng - Kơxê lơ 2/6, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp pêi pro Tơdroăng pơkâ 201 dêi Kuô̆k hô̆i ‘na mơnúa troăng pơkâ pêi, troăng hơlâ mơjiâng hngêi ối pơlê pơla.