Kêng măng 30/6, Thủ tướng Chính phủ Phạm Minh Chính ƀư tơm nar mbơh ăp nău n’glêh an bah Thủ tướng Chính phủ mpeh ntăm n’hao cán bộ.

Ta rơh lễ, Bộ trưởng Bộ Nội vụ Phạm Thị Thanh Trà hŏ mbơh, Thủ tướng Phạm Minh Chính hŏ ntăm an ăp nău n’glêh an rgum n’hao n’hanh ntăm an wa Trần Đức Thắng, Bí thư Tỉnh ủy Hải Dương, ƀư Groi Tổng Thanh tra Rnâng kan Thanh tra Chính phủ; wa Hồ Văn Niên, Bí thư Tỉnh ủy Gia Lai, ƀư Thứ trưởng Rnâng kan Bộ Dân tộc n’hanh Tôn giáo. Lah ta rnôk dơn nău kan, ăp wa Trần Đức Thắng, Hồ Văn Niên mpơl nău nkah gĭt jru Bộ Chính trị, Ban Bí thư, ăp kruanh rđău kan Đảng, Ngih dak hŏ nsing nơm, jao an nău dơn kan; lah rjăp nău dơi rgum n’hao, ntăm an nău kan mhe lah du nău rhơn n’hao têh, nkre lah nău dơn kan têh jâk đah săk nơm tâm rnôk pah kan bơi tât đŏng; lah rjăp mbra nsrôih n’hanh mpŏng nău dơn geh uănh khlay, rđău đă bah ăp kruanh rđău kan, nău kan nsum bah ăp nhih pah kan gay ƀư wat jêh nău dơn kan dơi jao.