Nar ntri (30/6), ta Ntŭk rgum tâm nchră n’gor Gia Lai mhe, Kruanh Ban Tuyên giáo n’hanh Dân vận Trung ương Nguyễn Trọng Nghĩa hŏ ƀư tơm n’hanh mbơh ăp nghị quyết, nău n’glêh an khlay bah Trung ương n’hanh n’gor geh tât nău dăp rgum nhih pah kan n’gor Gia Lai n’hanh n’gor Bình Định. Lah rđău đă ta rơh lễ, wa Nguyễn Trọng Nghĩa lah rjăp, nău dăp rgum nhih pah kan gưl n’gor mô dơn lah nău pơk hvi rnoh neh mô lah rnoh âk nuĭh ma hôm njêng luh ăp săk geh hun hao mhe lam lĕ rngôch đŏng.

N’gor Gia Lai mhe mbra geh rnôk hun hao dăng ta lĕ rngôch ăp trong kan công nghiệp, tuch tăm công nghệ mhe, ŭnh nar sĭt jêng tay, rhŏ dŏng, ndrâm dak lêng, logistics n’hanh pâl nđaih. Nău n’glăp nsum Gia Lai n’gor Bình Định đah săk ntơ n’gor Gia Lai mô dơn njêng luh soih hvi ntŭk hun hao wăng sa n’hanh chính trị mhe ma hôm pơk hvi trong gay Gia Lai hun hao lam lĕ rngôch lơn. Đah trong uănh têh jong n’hanh nău rđău đă lĕ nuih n’hâm, n’gor Gia Lai dơi mpŏng mbra jêng du n’gor ntĭt leo lor, rgop uĕh tâm nău hun hao nsum bah nkual n’hanh lam dak.