Ôi 30/6, ta nkual ƀon têh Hồ Chí Minh hŏ ƀư Lễ mbơh ăp Nghị quyết, N’glêh an bah Trung ương n’hanh n’gor mpeh dăp rgum nhih pah kan gưl n’gor, gưl xã, dŭt jêh nău kan gưl nkuâl, njêng  mpôl kan đảng, nchŏng đă gưl ủy, hội đồng nhân dân, ủy ban nhân dân, ủy ban Mặt trận Tổ quốc Việt Nam Nkual ƀon têh Hồ Chí Minh, xã, phường, đặc khu. Nkual ƀon têh Hồ Chí Minh pơk hvi, lah nkual ƀon têh Hồ Chí Minh, n’gor Bình Dương n’hanh n’gor Bà Rịa – Vũng Tàu.

 Ta tâm nchră, Tổng Bí thư Tô Lâm hŏ ntăm nău n’glêh an bah Bộ Chính trị nchŏng đă wa Nguyễn Văn Nên - ủy viên Bộ Chính trị, Bí thư Thành ủy nkual ƀon têh Hồ Chí Minh – ƀư Bí thư Thành ủy nkual ƀon têh Hồ Chí Minh lôch n’glăp nsum. Nkre Bộ Chính trị nchŏng đă 4 groi bí thư Thành ủy Nkual ƀon têh Hồ Chí Minh. Lah ta rơh lễ, Tổng Bí thư Tô Lâm lah rjăp, rơh lễ mô dơn lah nar khlay mpeh mât siƀŭt kan, ma lah njuat rgâl săk têh jong, lah nău ŭch geh tâm di bah nuĭh ƀon lan n’hanh neh dak tâm rnôk rdâk njêng ăp nkual ntrŭt ntrôl hun hao bah neh dak n’hanh  nkual, di đah nău nđơr geh “Việt Nam têh dăng tâm năm 2045”.