Ƀă  tơdroăng xing xoăng, pro rế lĕm mâu kăn cheăng ăm tơnêi têa, tơbleăng túa pêi cheăng mâu kăn kong pơlê 2 râ, Hôp tối tơdroăng cheăng kố pêi pro kơtăng , tro tơdroăng. Malối, mâu kong pơlê hiăng hbrâ mơjiâng tơbleăng nhên, tơkŭm a tơdroăng cheăng kal kí, tuăn mơno vâ hmiên tuăn dêi kăn bô̆, đảng viên ki trotơdjâk tơdrêng.

Tơbleăng a rôh hôp, pôa Hồ Văn Niên  , Kăn hnê ngăn Đảng kong pơlê Gia Lai, tối nhên: Hôp rôh má 20 Khu kăn Đảng ƀô̆ kong pơlê hneăng 16 ôh tá xê to rôh vâ tối tơdroăng hiăng pêi pro tung 6 khế apoăng hơnăm mê ối cho rôh hbrâ ki kal ăm rôh pơ’lêh  tơdroăng ton nah.