Anih jang vei lăng kon pơlei dêh char Gia Lai 'nao pơtruh hla bar ăn Anih jang Đảng kơ Anih jang vei lăng kon pơlei dêh char hơlen lăng, pơtruh ăn Anih jang Tĭnh uy drơ̆ng nơ̆r gah tơdrong tơchơ̆t asong ăn Hô̆i đŏng kon pơlei dêh char tơlĕch Tơchơ̆t tơgŭm jên minh 'măng glưh ăn kan ƀô̆, bơngai jang tơ̆ dêh char athei năm jang tơ̆ anih jang hanh chinh 'nao đơ̆ng rŏng kơ tơmơ̆t hơdai hăm dêh char Bình Định.

Hơkŏp kơsô̆ bơngai đei xa jên tơgŭm ou noh  1.844 'nu bơngai, hăm kơsô̆ jên huach jê̆ 42,4 tih hlj, iŏk đơ̆ng jên mong kơ dêh char Gia Lai hơdrol kơ tơmơ̆t hơdai. Tơchơ̆t tơgŭm ăn bơngai jang gơh đei jên vă chă răt tơmam drăm hơrih xa tơ̆ anih oei 'nao. Kơchĕng đơ̆ng rŏng kơ tơmơ̆t hơdai, anih jang hanh chinh – chinh trrĭ kơ dêh char 'nao gô đei pơkăp tơ̆ dêh char Bình Định dang ei, hơtaih đơ̆ng anih jang hanh chinh so pơhlom 165 km.