Lơ̆m trong pơprŏ vă jang đơ̆ng Kŏng ang dêh char Dak Lăk găh ming man 4.285 pơbŭng hnam pôk ăn ŭnh hnam dơnuh, ŭnh hnam tơnap tap, kiơ̆ Tơdrong jang xut xa hnam pơgia hnam hnăt hnot, truh dang ei, Kong ang dêh char Dak Lăk hlôi iung jang ming man đei 3.014 pơbŭng hnam, jang keh đang dang 71% trong tơlĕch jang. Lơ̆m hloh 3.000 pơbŭng hnam hlôi đei ming man, rim hơnih kŏng ang hlôi pơjao 1.517 pơbŭng hnam vă rim ŭnh hnam gơ̆h mơ̆t oei, adoi tŏk bŏk ming man keh đang 676 pơbŭng hnam vă hơnơ̆ng pơjao ăn lơ̆m giĕng ou. Mă đơ̆ng tơjê̆ ou tơdrong ưh kơ măh tơmam drăm ming man, mă lei, hăm trong iung jang kơtang, tơdrong xut xa hnam pơgia, hnam hnăt hnot kiơ̆ nơ̆r pơrô̆ jang đơ̆ng Hơnih tơm Kŏng ang, tơ̆ Dak Lăk oei iung jang keh đang ƀlep hăm trong tơlĕch jang, tơcheng lăng jang keh đang tơdrong jang ou lơ̆m năr 31/10/2025. Jô̆ truh năr 18/6,  hlôi iung jang ming man dang 5.150 pơbŭng hnam kiơ̆ Tơdrong jang xut xa hnam pơgia, hnam hnăt hnot đơ̆ng Khul Kơdră teh đak. Lơ̆m ou, đei 4.174 pơbŭng hnam man ‘nao păng 970 pơbŭng hnam ming hơmet; hlôi keh đang 3.025 pơbŭng hnam ( ‘noh 2.182 pơbŭng hnam man ‘nao păng ming hơmet 843 pơbŭng hnam). Vă jang keh đang trong tơlĕch jang xut xa hnam pơgia, hnam hnăt hnot lơ̆m dêh char, Dak Lăk gô vă ming man ‘nao păng ming hơmet dơ̆ng 2.150 pơbŭng hnam đơ̆ng dang ei truh đĭ khei 10/2025.