Đơ̆ng rŏng kơ pơkăp tơmơ̆t hơdai, dêh char Đăk Lăk đei 102 hơnih jang hanh chinh tơ̆ xah, đei 88 xah păng 14 phương; lơ̆m noh đei 82 xah, 14 phương đei đơ̆ng rŏng kơ pơkăp, pơm kiơ̆ tơplih hơnăn păng 6 xah ưh đei pơm kiơ̆ pơkăp noh xah Ea H’Leo, Ea Trang, Ia Lốp, Ia Rvê, Krông Nô, Vụ Bổn. Đơ̆ng rŏng kơ pơkăp tơmơ̆t hơdai, dêh char Gia Lai đei 135 anih jang hanh chinh tơ̆ xah, đei 110 xah păng 25 phương; lơ̆m noh đei 101 xah, 25 phương đei pơjing đơ̆ng kơ pơkăp tơmơ̆t hơdai păng 9 xah ưh đei pơm kiơ̆ pơkăp tơmơ̆t hơdai noh xah Ia O (apŭng Ia Grai), Nhơn Châu, Ia Púch, Ia Mơ, Ia Pnôn, Ia Nan, Ia Dom, Ia Chia păng Krong.

Đơ̆ng rŏng kơ pơkăp tơmơ̆t hơdai, dêh char Lâm Đồng đei 124 hơnih jang hanh chinh tơ̆ xah, đei 103 xah, 20 phương, 1 anih jang tơm; lơ̆m noh đei 99 xah, 20 phương, 1 anih jang tơm đei pơjing đơ̆ng rŏng kơ tơmơ̆t hơdai, pơm kiơ̆ tơplih hơnăn tơchơ̆t păng 4 xah ưh đei pơm kiơ̆ pơkăp noh xah Quảng Hòa, Quảng Sơn, Quảng Trực, Ninh Gia. Dôm anih jang kiơ̆ sơnong pơgơ̆r tenh kuăng pơm kiơ̆ dôm tơdrong hơmet kăp gĭt, vei sơđơ̆ng vă jơnŭm pơgơ̆r tơring tơ̆ dôm hơnih jang hanh chinh tơ̆ xah đei pơjing đơ̆ng rŏng kơ pơkăp tơmơ̆t hơdai pơtơm pơm jang đơ̆ng năr 1/7/2025.