A rôh hôp, mâu kăn tơkŭm tơpui, veăng hnê tối tơdroăng ki hlo ai khât mơnhông ôm hyô a rêm kong pơlê ƀă tơdroăng hơ’muăn ‘na pơtối rak vế ki rơdêi tơrêm kơpong vâ ai tơmeăm ôm hyô hên túa, hên mơngiơk. Tung mê, Phú Yên ai kĭng têa kơxĭ xŏn 189km, hên 'nuá prêi tíu xah hum, kung king, ai Tíu tơbâ dêi tơnêi têa pơxá Đá Điã ƀă hên tíu tơbâ ki ê ton nah.

Dak Lak cho tíu ôm hyô ngăn nhâ loăng kong ké, túa lĕm tro vêa vong ton nah, mâu kơdrum kơphế ngiât lĕm drô tơbăng ngo, ai xí têa hdrok krip tơdrŏm ƀă ai túa lĕm tro tŏn chêng koăng Tây Nguyên. Drêng tơrŭm ƀă Phú Yên ƀă Dak Lak chiâng môi, tơdroăng tơdjêp ki rơdêi  ‘’têa kơxĭ - kong kế” thăm chiâng tíu ki kal.

Pôa Hồ Văn Tiến, Kăn hnê ngăn Khu pơkuâ ôm hyô Phú Yên ăm ‘nâi,  tung pơla Phú Yên ƀă Dak Lak hbrâ vâ tơ’mot, kơvâ ôm hyô 2 kong pơlê thăm mơ-eăm hên tâ nếo vâ djâ ôm hyô chiâng kơvâ cheăng kâ ki kal.