Tơdroăng Ki rơkê plĕng chal krâ ‘na sâm Ngọc Linh a 2 tơring Tu Mrông ƀă Đăk Glei, kong pơlê Kon Tum châ mơnhên cho tơmeăm túa lĕm tro kơnía git tơnêi têa ôh ti xê cho hâk tơngăm ƀă mâu kuăn pơlê hdroâng kuăn ngo a Kon Tum mê ối cho hvêa prôk ki kal tung la ngiâ rak vế ƀă mơnhông kơpong pêt sâm Ngọc Linh.

Kố cho rôh vâ kong pơlê kơjo gum mâu kơxô̆ liăn, troăng hơlâ tŏng gum tung hnoăng cheăng rak vế ƀă mơnhông mâu tơdroăng ki kơnía git túa lĕm tro tro ƀă hdrê sâm. Tơdrêng amê, inâi kố ối gum mơdêk ki kơnía dêi sâm Ngọc Linh ôh ti xê to pơkeăng kơnía mê ối cho tơmeăm túa lĕm tro, pro chiâng tơdroăng kơnâ ‘na cheăng kâ liăn ngân ƀă túa lĕm tro ki lĕm tơviah ăm kong pơlê.