Tiô Kơ koan xiâm pêt ƀă Pơkeăng rak vế hdrê kơchâi plâi pôm, troăng pêt tơvât kơphế ƀă tiu, sầu riêng nôkố dế châ kuăn pơlê pêi chiâk deăng Tây Nguyên pêi pro vâ xúa tơnêi ƀă mơdêk pêi lo liăn. Troăng pêi kố ăm hlo châ tơƀrê hên, kơdroh ôa hdrong kâ ‘nhê ƀă tơtêk hên sinh hok.

Laga, a hên mâu pơlê, kuăn pơlê xuân pêt to kơphế pro loăng tơ’lêi tro tơdjâk xua mâu pơreăng. Ƀă troăng pêi pêt tơvât, hên kuăn pơlê tá hâi ‘nâi xúa pơkeăng rak vế hdrê kơchâi plâi pôm ăm tơtro. Séa ngăn a Kon Tum, Dak Lak, Lâm Đồng ăm hlo mâu troăng pêi sinh hok ối iâ châ xúa. Tơ’lêi rơlối pơkeăng tơkâ hluâ pơkâ nôkố.

Hôp tơpui tơno ‘na Kơphế Lâp plâi tơnêi tơkêa tŏng gum kih thuât ƀă hnê mơhno tơtro ƀă pơkâ lâp plâi tơnêi, kum kơvâ kơphế Tây Nguyên mơnhông krá tơniăn ƀă mot tơrŭm trâu hơngế tung ki kơnâ lâp plâi tơnêi.