Tiô troăng hơlâ  xing xoăng pro rế lĕm tíu pêi cheăng râ  tơring ƀă râ cheăm, hneăng hôp hiăng môi tuăn mơgêi tơdroăng cheăng pêi dêi 17 đảng ƀô̆ râ tơring, pơlê kong krâm, pơlê kong kơdrâm ƀă mơjiâng nếo 77 đảng ƀô̆ cheăm, bêng.

Gia Lai xuân pơkâ  xing xoăng, kơxô̆ mơngế cheăng tung khu kăn đảng ủy râ cheăm klêi tơ’mot. Rêm đảng ủy râ cheăm kô mơjiâng 3 kơ koan tăng ‘nâi plĕng, kum pêi cheăng. Mâu cheăm, bêng  ai tíu pêi cheăng xiâm kal kí râ tơring kô mơjiâng tơ’nôm tíu pêi cheăng kal kí dêi đảng ủy. Khu kăn đảng kong pơlê pơkâ thế mâu tíu pêi cheăng thâ tơbleăng pêi pơtối, tơniăn mâu đảng ƀô̆ cheăm, bêng ki nếo pêi cheăng  khât sap hâi lơ 1/7/2025.