A rôh leh, Khu xiâm pơkuâ ngăn lêng Kuân khu 7 hiăng diâp ƀâng kơdeăn khĕn ăm 23 khu pú hên ƀă 52 ngế ai hnoăng pêi cheăng kơhnâ rơkê tung tơdroăng tơrŭm hnê tối ‘na tơdroăng cheăng pêi dêi mâu lêng Kuân khu tung hơnăm 2024 ƀă 6 khế apoăng hơnăm 2025. Tung mê, Kơ koan teăng mâ rơ’jíu Việt Nam a Pơlê kong kân Hồ Chí Minh hâk tơngăm châ kơdeăn khĕn ăm khu pú hên ƀă 1 ngế.

Tơbleăng a rôh trâm mâ, thiê̆u tươ̆ng  Trần Vinh Ngọc, Chi ủy, Kuân khu 7 pơkâ thế tung la ngiâ, mâu kơ koan hnê tối mơdêk tơrŭm tơkŭm tăng ‘nâi plĕng mâu tơdroăng ‘na troăng hơlâ cheăng lêng - kring tơniăn; mâu tơdroăng hriâm, hbrâ tơplâ; hbrâ mơdât xiá vâ xua kong prâi pro ôh tá tơniăn, pơreăng tâ tú, tŏng kum mâu ki trâm xía vâ. Tơdrêng amê, cho hnê mơjiâng tơdroăng cheăng lêng kring gâk tơniăn tâi tâng kuăn pơlê, rơtế ƀă kring tơniăn kuăn pơlê ƀă mơjiâng kơpong hbrâ rơnáu krá kak tung kơpong Kuân Khu.