Tơdroăng kố châ tối a rôh hôp mơgêi 10 hơnăm pêi pro Pơkâ 05 dêi Khu pơkuâ tơdroăng kal kí ƀă mơgêi hnoăng cheăng séa ngăn, pơxâu đảng viên hơnăm 2020 – 2025 xua Khu pơkuâ ngăn Đảng Lâm Đồng tơkŭm po. Ƀă tơdroăng ki ôh ti ai “kơpong mơdât”, ôh ti ai tơdroăng ki ai ngế chiâng tŏng gum, hơnăm 2020 – 2025, Khu pơkuâ hnê ngăn Đảng kong pơlê, Khu pơkuâ ngăn Đảng, râ Đảng, Vi ƀan séa ngăn rêm râ dêi kong pơlê Lâm Đồng hiăng tơkŭm pơkuâ, hnê mơhno ƀă tơkŭm pêi pro kơtăng hnoăng cheăng séa ngăn ƀă pơxâu phâk tơdroăng cheăng tung Đảng.

Tơdroăng ki pơxâu phâk kơtăng mâu đảng viên pro xôi hiăng pro pơxúa tơƀrê tung hnoăng cheăng hnê hriâm, hbrâ mơdât tơdroăng pro xôi dêi khu tơrŭm Đảng ƀă kăn ƀô̆, đảng viên. Laga, pôa Y Thanh Hà Niê Kdăm, kăn pơkuâ ngăn Đảng Lâm Đồng tối tiah kố, ai mâu rôh lăm ngăn, mê ối ai tơdroăng ki pro tiô tơdroăng mơhno ăm hlo pa gong tê, pêi tiô troăng ki ton; tơpui mơgêi ối tối bô bối, ôh ti mơhno hlo mâu tơdroăng ki ‘ro, ki ôh tá tro, xôi vâ ‘mâi rơnêu, chiâng tơdjâk troh tơdroăng pêi ôh tá tơƀrê, pâ thế mâu râ Đảng, khu tơrŭm ngăn cheăng Đảng pêi pro kơtăng, rĕng pơkâ mơ’no mâu troăng hơlâ ‘mâi mơnhông tung la ngiâ.