Kheăn kơdeăn mâu tơdroăng châ tơƀrê hiăng châ tơƀrê môi tiah, tơtêk GDP châ 7,09%; cheăng kâ – rêh ối pơlê pơla pro tơniăn hôm, châ tâi tâng 15/15 túa pơkâ pêi ki xiâm; liăn chu rơpâ yă châ mơdât; kơmăi kơmok, tê mơdró, ôm hyô tơtêk hôm; Gâk kring tơniăn pơlê pơla, gâk kring tơniăn, tơniăn lĕm, pro kuăn pơlê hmiên tuăn châ tơniăn...Laga, mâu kăn teăng mâ xuân hiăng pơkâ mâu pơloăng mơnúa, pá puât vâ kêi đeăng pơkâ tơtêk GDP hơnăm 2025 châ sap ing 8% tơngi klêng ƀă tơtêk péa kơxô̆ tung mâu hơnăm pơtối.

Xuân tung kơxo lơ 17/6, ƀă ki hên kăn teăng mâ têk kŏng môi tuăn, Kuô̆k hô̆i hiăng tơbleăng Pơkâ ‘na kơdroh hnoăng mơhá VAT xúa ƀă mâu khu tơmeăm, tê mơdró dế chiu hnoăng mơhá 10% sap ing hâi lơ 1/7/2025 troh tâi hâi lơ hâi 31/12/2026. Ƀă pơkâ nếo châ Kuô̆k hô̆i tơbleăng ăm pêi pro, hên khu tơmeăm kô châ kơdroh 2% hnoăng mơhá ki kơnâ tơtêk (VAT) troh tâi hâi lơ 2026.