Pơkâ kố ôh tá xê pơkâ tơleăng mâu tơdroăng ki ối tơvâ tơvân môi tiah liăn ngân kơdroh, pơhlêh tơlo liăn, tâ tá Pơkâ 12 ki Pơkâ nếo athế mơnhông ƀă khu mơdró kâ Tơnêi têa môi tiah Pơkâ 68 ƀă kơpong cheăng kâ krê, rak vế tơniăn châ tơdroăng ki kal dêi rôh kăch măng 4.0, pro tiah lâi ăm mâu khu mơdró kâ mơnhông tơƀrê vâ mơnhông rơdêi, mơdêk châ hnoăng cheăng cho ngế ki pơkuâ djâ xiâm ‘na tơdroăng cheăng kâ ƀă hnoăng cheăng xiâm, kal dêi tơdroăng cheăng kâ.

Mơgêi rôh hôp, pôa Nguyễn Chí Dũng, Phŏ Ngế pro xiâm hnê ngăn tơnêi têa mơhno tối mâu tơdroăng ki têi xuân môi tiah tơdroăng ki ối ‘ro dêi mâu khu mơdró kâ tơnêib têa, tối nhên pơkâ mơ’no vâ mơjiâng pro pơkâ ăm kơpong mơdró kâ Tơnêi têa cho athế ai mâu tơdroăng mơnhông nếo tơƀrê tung pơla tơdroăng cheăng nếo, ôh ti xê tơkŭm tŏng gum mâu tơdroăng tơdjâk troh liăn ngân kơdroh, tơdroăng pơhlêh tơlo liăn, xoăng râ xoăng hnoăng, liăn khế mê athế ngăn rơdâ tŭm têk.