Tơpui a rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng tối nhên kố cho rôh vâ mâu kong pơlê rơtế séa ngăn, mơnhên tối ki rơkê plĕng tung hnoăng cheăng pơkuâ, hnê mơhno ƀă pơkâ troăng pêi mơnhông ăm Pơlê kong kân Hồ Chí Minh nếo tung la ngiâ. Kăn xiâm pơkuâ hnê ngăn cheăng Đảng pơkâ kơtăng péa hnoăng cheăng ki kal pêi tơdrêng nôkố cho rak vế tơniăn tơnêi têa, kong pơlê, rak vế hơniâp lĕm, tơniăn vâ mơnhông. Tơdrêng amê kăn xiâm pơkuâ hnê ngăn cheăng Đảng pơchân tơkŭm liăn ngân vâ mơnhông cheăng kâ, pêi pro klêi mâu tơdroăng pơkâ pêi Hneăng hôp 14 hiăng vâ chê troh la ngiâ.

Kăn xiâm pơkuâ hnê ngăn cheăng Đảng mơnhên tối khât tơdroăng ki mơ-eăm dêi Pơlê kong kân Hồ Chí Minh ƀă mâu kong pơlê drêng pơkâ pêi mơnhông tâ kơlo pơkâ tơdjuôm dêi lâp tơnêi têa, tơdrêng amê hlối pơkâ thế pơlê kong kân mơ-eăm pêi pro pơkâ pêi kố tung 6 khế mơ’nui hơnăm vâ mơdêk tơdroăng rêh ối cheăng kâ kuăn pơlê.