Tơpui tơno ‘na tơdroăng pơkâ pêi, troăng ngăn ƀă mâu tơdroăng pơkâ, troăng hơlâ pơkâ pêi mơnhông tơnêi têa tung pơla nôkố, pôa Tô Lâm, Kăn xiâm pơkuâ hnê ngăn cheăng Đảng tối nhên tung la ngiâ ah, pin hiăng môi tuăn ‘na troăng ngăn tung chal ki nếo, chal mơnhông kro rơdêi dêi tơnêi têa sap ing Hneăng hôp 14.

Púi vâ pêi pro châ mâu tơdroăng ki kố mê athế pơkâ ki rơdêi ‘na mơnhông GDP 2 kơxô̆ pơtối tung hên hơnăm. Kăn xiâm pơkuâ hnê ngăn cheăng Đảng tối nhên: Mâu vâi pú ối tung tơdroăng pơkâ cho Ngế ki châ pơkâ ối tung Tíu xiâm Đảng pơrá cho khu kăn ƀô̆ ki hbrâ xiâm dêi Đảng, cho mâu kăn ƀô̆ hơnăm ối nếo, ngế ki kô pôu râng tơdroăng ki hngăm hngo dêi tơnêi tung mâu hơnăm la ngiâ, tung hneăng ki kal dêi rôh mơnhông hdroâng mơngế.

Kăn xiâm pơkuâ hnê ngăn cheăng Đảng pơkâ thế: Mâu vâi pú tối tung pơkâ dêi tíu xiâm Đảng hlo nhên hâk tơngăm ƀă pôu râng dêi hnoăng tơná vâ pôi tá la lâi pơtê mơeăm, pêi châ tơdroăng púi vâ hnoăng cheăng tung la ngiâ.