Xông tơpui a roh leh, Phŏ yăo sư tiên sih Phan Thị Hồng Xuân, Kăn hnê ngăn Khu tơrŭm nhŏng o Việt Nam – Đông Nam Á pơlê kong kân Hồ Chí Minh tối rơdêi tơrŭm cheăng pơla péa pâ thăm mơnhông tâi tâng ƀă păng ‘nâng sap ing péa tơnêi têa mơdêk tơrŭm cheăng ton xŏn. Hơnăm 2023, pêi lo liăn tê mơdró pơla péa pâ châ lối 7,8 rơtal dolar, tâk vâ chê 70% tâng pơchông ƀă hơnăm 2015.

Việt Nam pơtối rak hnoăng cho tíu tê ăm phái kân má môi ăm kong têa Philippines, kum bê phái kơpong. Jâ Phan Thị Hồng Xuân tối ăm ‘nâi, tơrŭm gâk kring – gâk kring tơniăn pơla péa tơnêi têa thăm chăm châ pro krá ƀă tơdroăng séa ngăn tơdjuôm a têa kơxĭ, rơtế ƀă tơdroăng trâm mâ kuăn pơlê, hnê hriâm ƀă khôi túa lĕm tro rế hía rế po rơdâ.