Ing mê tơbleăng, hên 205 rơpâu toăng hngêi pơtân hngêi xhi kơchoh hiăng châ pro nếo. Malối, 21 kong pơlê, pơlê kong kơdrâm, kong kân râ xiâm tơnêi têa hiăng ôh pá ai xếo hngêi pơtân.  Vâ pơtối rak vế mâu hnoăng hiăng châ pêi pro ƀă koh tơbâ 80 hơnăm Kăch măng Khế tơheăm ƀlêi trâng xuân môi tiah Hâi mơjiâng tơnêi têa lơ 2/9, Ngế pro xiâm hnê ngăn tơnêi têa pơkâ thế mâu kơ koan khu râ pơkuâ cheăng ƀă mâu kong pơlê mơdêk hnoăng cheăng pơkuâ hnê ƀă tơbleăng rơdêi tung tơdroăng tơ’noăng “Tơdjuôm ivá tah hngêi pơtân, hngêi xhi kơchoh tung lâp tơnêi têa tung hơnăm 2025”.

Pơkâ ki xiâm cho kal má môi thế pê klêi tah hngêi pơtân tung lâp tơnêi têa hdrối hâi lơ 31/8/2025. Tơdroăng tơbleăng pêi thế tơniăn tiô pơkâ ‘’ 6 nhên’’ (ngăn nhên ngiâ méa, ngăn nhên tơdroăng cheăng, nhên hnoăng cheăng pêi, nhên hnoăng pơkuâ pêi, nhên hâi khế ƀă nhên tơdroăng hiăng klêi pêi” tơdrêng ƀă “4 tơdroăng ki khât” (tối tơdrăng khât, pêi khât, pêi hlo tơƀrê khât’’ kuăn pơlê ki xúa khât”.