Mĭnh khŭl đei dang 20 ‘nu hơdruh tơdăm găh dôm khŭl jang nhen: kang ƀô̆, bơngai jang kơ teh đak, bơngai jang sơnăm mơlôh, kŏng an, thây kô pơtho sơnăm mơlôh, sinh viên, hŏk tro jăl 3 tŏk bŏk jang tơgŭm pơyan pơdơh hŏk tơ̆ rim tơring.

Lơ̆m 2 khei pơdơh hŏk, đe hơdruh tơdăm gô pơtho kon pơlei pơm bơ̆n hla ar; pơm lơ̆m dôm kơmăy tơpôl; pơm păng yua tài khoản chih hơnăn lơ̆m điện tử; tơgŭm kon pơlei yua Hơnih pơvih pơvăn teh đak păng tơring; roi tơbăt, nôp roi tơbăt lơ̆m điện tử hơnơ̆ng, iŏk yua kơmăy kơsô̆ bơ̆jang. Roi tơbăt, pơtho kon pơlei yua kơmăy pơvih pơvăn teh đak trực tuyến.