6 khei âu ki, tơdrong jang tang găn brăh brư đei pơgơ̆r tŭn pran, tơklep hăm pơm hiôk jên jang, pơyua ăn hơtŏk tơiung mŭk drăm - tơpôl. Khŭl kơdră teh đak, dôm anih tơm, anih jang, tơring hlôi akŏm pơgơ̆r dăr hơlen, hơmet pơ ‘lơ̆ng pơmat tat, tơhlăk tơhlĭn, hơmet ‘lơ̆ng dôm tơdrong jang hiơ̆ kơ bơ̆jang, oei đei pơdui đunh, iŏk yua  tŏ sĕt.

Dôm anih jang kơpal hlôi akŏm hơlen lăng, dăr lăng, hơmet pơ ‘lơ̆ng đĭ dôm tơdrong sa pơgơ̆m pơjĭp, brăh brư, ưh kơ ‘lơ̆ng kơtang. Kiơ̆ đơ̆ng dăr hơlen, jô̆ hơlen hlôi athei iŏk pơdreo, phak jên hloh 9.500 ti hlak jên păng 600 hek tar teh; tơplih ăn anih jang dăr hơlen 28 tơdrong. Tơ̆ hơnăp kơnh, tơdrong jang tang găn sa pơgơ̆m pơjĭp, brăh brư hơnơ̆ng tơlĕch jang pran kơtang, đei yua hloh dơ̆ng, jang đang dôm hơnăp jang kiơ̆ Tơdrong jang sơnăm 2025 păng dôm tơdrong pơtôch đơ̆ng Tổng Bí thư Tô Lâm. ‘Măng hop akŏm kŭm drơ̆ng nơ̆r ăn 4 tơdrong păng 2 tơdrong jang lơ̆m Anih pơgơ̆r jang răp hơlen lăng, pơgơ̆r jang.