‘Măng hơchăng ăn bơngai pơnă brŏk hrôih mă âu đei pơih xă truh lơ bơngai păng đei lơ tơdrong hơgăt rơhơi ƀiơ̆ pơting hăm ‘măng hơchăng ăn brŏk hrôih ƀât ‘năr 30/4 âu ki. Kiơ̆ kơ ‘nŏh, bơngai đei set hơlen vă asong brŏk hrôih đei: Bơngai đei rôp phak kiơ̆ sơnăm, bơngai đei nơ̆r athei phak truh lôch hlôi đei tơjur dơ̆ng khei ‘năr oei lơ̆m hnam phak, bơngai oei gơ̆t lê̆ ‘mơ̆i tơdrong athei rôp phak.

Bơngai đei set hơlen vă hơchăng ăn brŏk hrôih athei đei lơ tơdrong ‘lơ̆ng găh jơhngâm đon păng đei chih tơbăt jĭ bơngai oei lơ̆m hnam phak băt chu yom kiơ̆ khôi luơ̆t. Lơ grŭp pơm yoch ‘măng mă blŭng đei set hơlen vă asong brŏk hrôih, nhen: tơdrong yoch pơrơ̆ng teh rơka đe nai, bơngai đei đơ̆ng 2 tơdrong yoch tŏk tơ̆ kơpal…  ‘Nâu jĭ ‘măng set hơlen vă hơchăng brŏk hrôih mă 2 lơ̆m sơnăm 2025, sơnăm đei lơ tơdrong gĭt kăl găh chinh trĭ, jang tơbôl tih đơ̆ng teh đak, roi pơm pơ ‘lơ̆ng hlŏh dơ̆ng tơdrong jang chinh trĭ, khôi luơ̆t păng jơhngâm  đon ‘lơ̆ng đơ̆ng trong tơgŭm asong brŏk đơ̆ng hnam phak hrôih./.