Hăm jê̆ 40 tơdrong jang hơnơ̆ng, lơ̆m 3 năr, 'măng pơm jang đơ̆ng Thủ tướng Phạm Minh Chính păng Khul Kơpal Việt Nam hlôi răk 'măn tơdrong 'lơ̆ng păng tơgop kăp gĭt lơ̆m tơdrong đei jơnei kơ Hop akŏm kơpal BRICS pơih să. Thủ tướng atŭm hăm 35 kơdră tang măt ăn dôm teh đak đei akŏm pơma đam tơnăp gah hơtŏk trong jang lơ teh đak, dôm tơdrong jang mŭk drăm, jang jên hu păng kơ̆l 'ngok hơgei; gah cham char păng jang pơgang hơmet jĭ jăn lơ̆m apŭng plenh teh...

Dôm tơchơ̆t đei jơnei lơ̆m Hop akŏm gô hơtŏk tơdrong jang hơdoi đei jơnei, tơgop sek tơlang dôm tơdrong tơnap tap vă hơtŏk tơ-iung kơjăp sơđơ̆ng kơ dôm teh đak jang mŭk drăm 'nao. Lơ̆m khei năr oei tơ̆ teh đak Brazil, Thủ tướng Phạm Minh Chính hlôi akŏm pơma đam, tơƀơ̆p lơ kơdră kơpal kơ dôm teh đak vang jang, anih jang mŭk drăm..., tơgop hơtŏk jang đei jơnei gah mŭk drăm, tĕch pơdro, pơyua kăp gĭt ăn kon pơlei păng anih jang mŭk drăm.