Pơma pơgơ̆r tơ̆ Hop akŏm, Kơdră teh đak Lương Cường pơma hơdăh lơ̆m khei ‘năr lơ̆m teh đak tŏk bŏk bơ̆jang kiơ̆ dôm trong jang gĭt kăl vă hơtŏk tơiung teh đak, Anih tơm vei lăng Kŏng an hlôi jang hơdrol lơ̆m bơ̆jang kiơ̆ tơdrong tơchơ̆t đơ̆ng Trung ương găh tŏ sĕt bơngai; jang hơdai ‘lơ̆ng hăm dôm anih jang, tơring vă vei kơjăp tơdrong sơđơ̆ng chĭnh trĭ, sơđơ̆ng tơpôl.

Kơdră teh đak Lương Cường athei Anih tơm vei lăng Kŏng an băt hơdăh tơdrong, tơtom jang tơgŭm dôm trong jang trŏ lăp, hơmet pơ ‘lơ̆ng đơ̆ng hrôih, đơ̆ng hơtăih dôm tơdrong tơchĕng vă pơm kơ nê̆, tơjră phă păng dôm tơdrong krê hơmơt đei ƀôh; akŏm chă druh rôp rim kơloăi pơm glăi, pơm yoch tơpôl, mă loi ‘noh pơm glăi găh cham char, vei lăng rơgoh ‘lơ̆ng tơmam sa, tơmam ya, tơmam ưh kơ ‘lơ̆ng, pơm glăi ma túy păng pơm glăi kơmăy kơmŏk ‘nao, vei sơđơ̆ng ‘lơ̆ng dôm hơnăp jang pơjing hơnih chih răk kăl kơ teh đak, ưh kơ gơh lê̆ pơdơh, pơgăn tơdrong jang, ưh kơ lê̆ hoh, ưh kơ lê̆ oei đei tơ̆ tơring thŭng tơring pơm glăi.