Tơ̆ jơ tơƀâp, 2 ‘nu kơdră chĕp kơ̆l pơma hơdăh tơdrong gĭt kăl đơ̆ng pơjing jơhngâm pran ‘nao ăn tơdrong pơvei jang hơdoi gĭt kăl tôm tơdrong kơ 2 teh đak roi đunh roi ‘lơ̆ng, mă loi ‘nŏh tơlĕch tơdrong jang ăn tơdrong pơvei jang hơdoi gĭt kăl tôm tơdrong đơ̆ng 2025-2030. Thủ tướng Phạm Minh Chính pơma hơdăh, Việt Nam tơgŭm păng vă jang hơdoi đĭ jơhngâm vang tơgŭm ăn Malaysia iŏk jang ‘lơ̆ng hơnăp jang pơm Kơdră ASEAN 2025.

Thủ tướng Anwar Ibrahim lăp đon hăm dôm nơ̆r athei đơ̆ng Thủ tướng Phạm Minh Chính, tơƀôh đon bơnê tơdrong tơgŭm, jang hơdoi kơjăp ‘lơ̆ng đơ̆ng Việt Nam hăm Malaysia lơ̆m sơnăm pơm Kơdră ASEAN. Ƀlep ƀât ‘măng mă âu, 2 ‘nu ƀok kơdră chĕp kơ̆l oei pơma nuh găh 1,2 tơdrong lơ̆m apŭng plenh teh, tơ̆ tơring mă 2 păh tơrek truh păng pơma hơdăh tơdrong gĭt kăl, kŭm hăm dôm teh đak ASEAN tưk tơiung tơdrong jang hơdoi, mât 1 ƀơ̆r đon lơ̆m ASEAN păng hơnăp jang tơm đơ̆ng ASEAN.