Tơ̆ hop akŏm, hloh đơ̆ng pơma dơnuh, Khul kơdră chĕp pơgơ̆r drơ̆ng mĭnh nơ̆r hơlen, đơ̆ng blŭng sơnăm truh dang ei, măđơ̆ng kăl akŏm chĕp pơgơ̆r, pơrô̆ jang, jang kiơ̆ hrơ̆p mĭnh ‘măng lơ tơdrong jang kăl, gĭt kăl, mă kăl jang keh đang hơgrop, pơm kơtoei khul bơ̆ jang, mă lei hăm vang iung jang pơ đĭ lơ̆m khul chinh trĭ, tơdrong chĕp pơgơ̆r, pơrô̆ jang kơtang đơ̆ng Trung ương, Hơnih tơm Chinh trĭ, Ban Bí thư păng đơ̆ng Tổng Bí thư Tô Lâm - Kơdră Hơnih chĕp pơgơ̆r, atŭm hăm kơrŭn đĭ ai, hơdrin kơtang đơ̆ng rim hơnih bơ̆ jang, bơ̆ jang tang găn sa pơgơ̆m pơjĭp, pơhoach brăh brư, pơm glăi hơnơ̆ng đei tơlĕch jang kơtang, hăm lơ trong bơ̆ jang ‘nao, kơhret, trŏ lăp. Adoi, bơ̆ jang tang găn sa pơgơ̆m pơjĭp, pơhoach brăh brư, pơm glăi iŏk đei jơnei hơdăh, roi năr roi trŏ lăp ‘lơ̆ng hloh dơ̆ng tơdrong pơkoel bơ̆ jang tơ iung pơjing Đảng, khul chinh trĭ păng trong jang pơtrut kơtang atok tơ iung mŭk drăm-tơpôl, tŏk muk drăm 8% lơm sơnăm ou păng tŏk ƀar kơsô̆ lơ̆m dôm sơnăm đơ̆ng rŏng.