Gia Lai tơdjuôm ivá pêi pro tŏng gum vâi hdrêng
Thứ sáu, 07:42, 06/06/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Mơhnhôk Khế pêi pro tŏng gum vâi hdrêng hơnăm 2025 ƀă dó inâi ‘’Kơjo kơxô̆ liăn kêi đeăng mâu pơkâ tŏng gum vâi hdrêng’’, mâu kơvâ cheăng tung kong pơlê Gia Lai thăm pêi pro hên tơdroăng ki kal, ƀă khŏm mơ-eăm djâ troh ăm vâi hdrêng, ki rơhêng vâ tối cho vâi hdrêng kơpong hơngế, hơngo, vâi hdrêng kơpong hdroâng kuăn ngo ƀă mâu vâi hdrêng ai tơdroăng rêh ối pá puât, ki rơhêng vâ tối cho tíu rêh ối tơniăn, lĕm tro ƀă tơdâng tơ’mô.
Rơnó pơtê hriâm 2025 a Gia Lai, mâu kơvâ cheăng ki rơhêng vâ tối tơtrŏng tơdroăng mơhnhôk ƀă tá kế tơmeăm khoăng ƀă hiâm mơno ƀă mâu hok tro kơtiê, hok tro hdroâng kuăn ngo vâ mâu vâi o pơtối troăng prôk krá ting tơdroăng hriâm tâp.
Kong pơlê Gia Lai nôkố ai vâ chê 5.000 vâi hdrêng ối tung rơpŏng ki pá puât ƀă lối 95.000 vâi hdrêng tơ’lêi trâm tiah mê. Ƀă tơdroăng tơdjuôm ivá, môi hiâm môi mơno dêi khu râ kăn pơkuâ, mâu khu tơrŭm cheăng, khu tê mơdró ƀă pơlê pơla, mâu ‘’hơnăm ối hdrêng’’ dêi kong pơlê dế châ pro tơ’lêi hlâu mơnhông mơdêk tâi tâng.
Viết bình luận